Ցնցուղ ընդունելը սպառնում է մարդու առողջությանը

Կոլորադո համալսարանի աշխատակիցներն անցկացրել են հետազոտություն, որի արդյունքում հաջողվել է պարզել, որ բոլոր ցնցուղների գրեթե մեկ երրորդը անհամեմատելի մեծ թվով վարակների և մանրէների ապաստան է:

Ինչպես կարծում են հետազոտողները, այդ մանրէները կարող են լուրջ ազդեցություն թողնել թոքերի վրա. չէ՞որ ջրի հոսքի ժամանակ մանրէները օդ են բարձրանում, որն էլ մենք շնչում ենք, հայտնում է BBC-ն:

Միևնույն ժամանակ, ըստ հետազոտոների, հիվանդանոցների, հյուրանոցների, լողավազանների և շոգեբաղնիքների ցնցուղներն անգամ ավելի շատ վտանգավոր մանրէներ են պարունակում, քան տան լոգարանի ցնցուղը: Ինչպես նշել են հետազոտողները, մանրէները շերտերի տեսքով կուտակվում են ցնցուղների վրա, իսկ ջրի արտահոսքի ժամանակ ազատվում են:

Նշենք, որ առավել մեծ վնաս մանրէները կարող են հասցնել տարեց մարդկանց, հղիներին և նրանց, ում իմունիտետը ցածր է:

Հարցեր, պատասխաններ, մեկնաբանություններ